Almatyda Halyqaralyq balalardy qorǵaý kúnin toılaýǵa arnalǵan is-sharalar 30 mamyrdan bastalady. Qalalyq kitaphanalarda balalar sýreti baıqaýlary men kitap kórmeleri ótedi:
- 30 mamyrda saǵat 10:00-de №6 kitaphanada «Balalardyń kúlkisi álemdi árleıdi» sýretter baıqaýy ótedi;
- Memlekettik qýyrshaq teatrynda 31 mamyrda saǵat 11:00-de bıyl tusaýy kesilgen «Etik kıgen mysyq» spektakli kórsetiledi, sodan keıin jas kórermender «Úıshik» qoıylymyn 14:30-da qazaq tilinde jáne 16:00-de orys tilinde kóre alady.
1 maýsym - Balalardy qorǵaý kúni qalanyń ár túkpirinde merekelik baǵdarlamalar ótedi:
- Basty konsert Ortalyq mádenıet jáne demalys saıabaǵynda saǵat 11.00-de ótedi. Sahnada qazaqstandyq estrada juldyzdary, sondaı-aq balalar vokaldyq jáne bı ujymdary óner kórsetedi;
- D.A.Qonaev atyndaǵy mýzeı úıinde saǵat 11:00-de jáne 15:00-de «Meniń mýzeıim» atty ekskýrsıamen qatar kvest-oıyn ótedi;
- Sonymen qatar, N. Tilendıev memorıaldyq mýzeıinde saǵat 12:00-de «Balalyq shaqqa saıahat» atty ashyq sabaq ótedi;
Sonymen qatar, balalardy qorǵaý kúni qalanyń keıbir aýdanynda merekelik is-shara ótedi:
- Alataý aýdanynda saǵat 11:00-de Nurkent, 5/11 mekenjaıynda ornalasqan Mýltımedıalyq dástúrli mýzykalyq ortalyǵynda balalarǵa arnalǵan ekskýrsıa ótedi.
- Áýezov aýdanynda saǵat 11:00-de Family Park demalys saıabaǵynda merekelik konsert, sondaı-aq sporttyq oıyndar men shyǵarmashylyq belsendilik ótedi.
- Almaly aýdanynda saǵat 11:00-den 16:00-ge deıin Mahatma Gandı saıabaǵynda Halyqaralyq baıqaýlar men festıváldar laýreattarynyń jáne aýdannyń shyǵarmashylyq uıymdarynyń ansámblderiniń qatysýymen konserttik baǵdarlama uıymdastyrylady.
- Jetisý aýdanynda saǵat 10:00-de Gúlder saıabaǵynda Damu Bala baǵdarlamasynyń qatysýshylarymen merekelik konsert, sondaı-aq kórme, túrli sheberlik dáristeri men shahmattan týrnır ótedi.
- Medeý aýdanynda saǵat 13:00-de Ortalyq mádenıet jáne demalys saıabaǵynda, sondaı-aq Alataý shaǵyn aýdanynda saǵat 11:00-de aýdannyń shyǵarmashylyq ujymdarynyń qatysýymen merekelik konsert ótedi.
- Naýryzbaı aýdanynda saǵat 18:00-de Shuǵyla, 347 mekenjaıyndaǵy amfıteatr aýmaǵynda konserttik baǵdarlama, qolóner jármeńkesi jáne sýretter kórmesi uıymdastyrylady.
- Túrksib aýdanynda saǵat 10:00-de S.Seıfýllın atyndaǵy saıabaqta óner ujymdary men ansámblderdiń qatysýymen konserttik baǵdarlama ótedi, sondaı-aq balalarǵa arnalǵan túrli kvestter, shyǵarmashylyq sheberlik dáristerimen sporttyq oıyndar uıymdastyrylady.