Bul - 800 mln teńgege baǵalanǵan jobalar.
Ústimizdegi jyly Bostandyq aýdanynda «Halyq qatysatyn búdjet» baǵdarlamasy aıasynda Bostandyq aýdanynda 21 joba iske asyrylýda. Bul týraly Almaty ákimi Erbolat Dosaev aýdan halqymen kezdesý barysynda aıtty, dep habarlaıdy Almaty-akshamy.kz.
«2022 jyly Bostandyq aýdanynda 80 aýla aýmaǵyna kúrdeli jóndeý júrgizý josparlanǵan bolatyn. Alaıda, konkýrs prosedýralarynyń uzaq júrýine jáne shaǵymdarǵa baılanysty sharttar tek osy jyldyń qyrkúıek aıynda jasaldy. Osylaısha búgingi kúni 40 aýla jóndeýmen qamtyldy, olar osy jyldyń sońyna deıin aıaqtalady. Qalǵan 40 aýlany 2023 jyldyń II-III toqsanynda abattandyrýǵa májbúrmiz (2021 jyly 100 aýla jóndeldi). Bıyl «Halyq qatysatyn búdjet» baǵdarlamasy boıynsha aýdanda 800 mln. teńgeniń 21 jobasy iske asyrylýda. Búgingi kúni 11 obekt boıynsha jumystar aıaqtaldy», - dedi Erbolat Dosaev.
Ákimniń aıtýynsha, bul baǵdarlama boıynsha aýdan turǵyndary 2023 jylǵa qoǵamdyq keńistikti abattandyrý jáne kógaldandyrý, balalar men sport alańdaryn jóndeý men ornatý jáne basqalar týraly 165 ótinim berdi. Daýys berý qorytyndysy boıynsha, aldyn ala 17 joba tańdap alyndy (9 - sport jáne balalar alańy, 7 - qoǵamdyq keńistik jáne 1 – skver).