Almaty ákimi Erbolat Dosaevtyń halyqpen kezekti kezdesýi Bostandyq aýdanynda ótti. Qala basshysy aýdannyń damýy jáne turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 350-den astam adam keldi, dep habarlaıdy Almaty-akshamy.kz.
Aýdanda komýnaldyq ınfraqurylymdy jańǵyrtý ózekti másele bolyp qala beredi. Aǵymdaǵy jyldyń qyrkúıek aıynda «Orbıta-4» shaǵynaýdanyndaǵy Erǵojın, Gandı kóshelerinde uzyndyǵy 1,6 km jylý jelilerin qaıta jańartý jumystary aıaqtaldy. Joba 546 kóp páterli turǵyn úıge, 20 bilim berý mekemesine jáne 12 densaýlyq saqtaý mekemesine jylý berýdi qamtamasyz etýge múmkindik berdi. Jeltoqsan aıynyń sońyna deıin aýdanda uzyndyǵy 22,5 km 751 jaryq baǵanasy ornatylyp, uzyndyǵy 22,5 km jeli tartylyp, 83 kósheni jaryqtandyrý qurylysy aıaqtalady.
Oqýshy oryndarynyń tapshylyǵy máselesin sheshý úshin 1 qyrkúıekke qaraı 875 oryndyq úsh mektepter (№146, 191, 125) janyndaǵy qosalqy nysandar qurylysy aıaqtaldy. 3 oqý ornynda seısmıkalyq kúsheıtýmen kúrdeli jóndeý júrgizildi (№81, 40, 45). 30 qarashaǵa deıin №9 arnaıy túzetý mektep-ınternatynyń janyndaǵy 120 oryndyq qosymsha qurylys jáne «Orbıta-3» shaǵynaýdanynda №145 seısmıkalyq kúsheıtý aıaqtalady. 2023 jyly Jandosov kóshesi boıyndaǵy 1100 oryndyq mektepti bitirip, 2024 jyldyń tórtinshi toqsanyna qaraı «Jaıly mektep» ulttyq jobasyn iske asyrý aıasynda Egizbaev kóshesi boıynsha 2000 oryndy oqý ornyn salý josparlanýda.
Mektepke deıingi uıymdarda oryn tapshylyǵyn qysqartý maqsatynda jyl basynan beri aýdanda 854 oryndyq 15 jeke balabaqsha ashyldy. Jyl sońyna deıin árqaısysy 150 oryndyq taǵy 2 balabaqsha ashylady. Burynǵy №1 balalar úıiniń qoldanystaǵy ǵımaratyn 480 oryndyq balabaqshaǵa qaıta jańartý josparlanýda. Qazirgi ýaqytta JSQ ázirlenýde. Qurylys-montaj jumystarynyń bastalýy 2023 jyldyń sáýirine josparlanǵan. Sondaı-aq, kelesi eki jyl ishinde 540 oryndyq 3 mektepke deıingi uıym salý kózdelgen.
Medısınalyq qyzmet kórsetýdiń qadamdyq qoljetimdiligin qamtamasyz etý úshin 2023 jyldyń birinshi toqsanynda saıabaq aımaǵymen 500 kelýshige arnalǵan emhananyń JSQ ázirleý bastalady. Qurylys-montaj jumystarynyń bastalýy 2023 jyldyń tórtinshi toqsanyna josparlanǵan. Kelesi jyldyń birinshi toqsanynda «Kerýen Medıkýs» jeke klınıkasynyń perzenthanasynyń jańa ǵımaratynyń jáne «Balalardyń shuǵyl medısınalyq kómek ortalyǵynyń» operasıalyq blogy bar qabyldaý bólimshesi ǵımaratynyń qurylysy aıaqtalady.
Qala ákimi Erbolat Dosaevtyń aıtýynsha, aýdandaǵy joldardyń paıdalaný sıpattamalaryn jaqsartý úshin jalpy uzyndyǵy 15,2 km bolatyn 85 kóshege aǵymdaǵy jóndeý jumystary júrgizilgen.
Aýdanda nóser jaýyn-shashyn kezinde sý basý máselesi ózekti bolyp qala beredi. TJ jelisi boıynsha 5 ýchaskeni joıý jumystary júrgizilýde. 2 aryq ótkelin (Jarokov kóshesi men Sátbaev kóshesiniń jáne Baıtursynov kósheleriniń qıylysy) qaıta jańartý jumystary aıaqtaldy. Qalǵan 3 ýchaskeni joıý jumystaryn jyl sońyna deıin aıaqtaý josparlanýda.
Sondaı-aq, qala ákimi Erbolat Dosaev «Halyq qatysatyn búdjet» baǵdarlamasynyń iske asyrylý barysy týraly habardar etti. Bıyl aýdanda 21 joba júzege asyrylýda. Búgingi tańda 11 nysan boıynsha jumystar aıaqtaldy (3 - balalar jáne sport alańdary, 1-sýarý júıesi jáne 7 - qoǵamdyq keńistik). Qalǵan 10 joba (8 - qoǵamdyq keńistik, 1-sýarý júıesi, 1 - jaıaý júrginshiler aımaǵy) aǵymdaǵy jyldyń 30 qarashasyna deıin oryndalady.
Almaty ákimimen kezdesý barysynda turǵyndar joldardy jóndeý, káriz jáne elektr jelilerin abattandyrý jáne t. b. máselelerdi kóterdi.
Memleket basshysy Qasym-Jomart Toqaevtyń Jarlyǵymen bekitilgen halyqpen kezdesýdiń jańa formatyna sáıkes, jyl sońyna deıin Erbolat Dosaev halyqpen 24 kezdesý ótkizedi – 8 aýdannyń árqaısysynyń turǵyndarymen toqsanyna bir kezdesý.