Bul týraly Almaty qalasy ákiminiń m.a. E.A. Dosaev Túrksib aýdanynyń turǵyndarymen kezdesýinde aıtty, dep habarlaıdy Almaty-akshamy.kz.
Bıyl «Halyq qatysatyn búdjet» baǵdarlamasy sheńberinde barlyq josparlanǵan 28 joba (100%) oryndaldy, atap aıtqanda, 14 - jer abattandyrý boıynsha, 10 - balalar jáne sport alańy, 4 - tereńdetilgen konteıner alańy.
Sonymen qatar baǵdarlama aıasynda B. Hmelnıskıı kóshesindegi skver jóndeldi, Túrksib aýdanyna kire beristegi bos ýchaskeler (Seıfýllın dańǵyly jáne Lavrenev kóshesi) abattandyryldy.
Daýys berý qorytyndysy boıynsha 2023 jylǵa 164 jobadan 24 joba tańdap alyndy, onyń ishinde 12 balalar jáne sport alańy, abattandyrylatyn 9 obekt jáne 3 tereńdetilgen konteıner alańy bar.