Bıyl «Halyq qatysatyn búdjet» baǵdarlamasy jalpy 34 jobany iske asyrady.
Joba 2 kezeń boıynsha iske asyrylmaq. Jobaǵa barlyǵy 1,6 mlrd.teńge bólingen. Alǵashqy kezeńge 771 mln. teńge bólinse, ekinshi kezeńde 875 mln. teńgeniń jumysy istelinedi dep kózdelgen, dep habarlaıdy Almaty-akshamy.kz.
Turǵyndardyń 17 jobasyn qamtıtyn 1-kezeń aıaqtalǵan. Bul týraly Almaty qalasynyń ákimi Erbolat Dosaev Almaly aýdany turǵyndarymen kezdesýinde aıtty.
Áıtıev 51, Áýezov 56, Rozybakıev 53, Karımov 87, Jarokov 91, Tóle bı 160, Shaǵabýtdınov 30, Qarasaı batyr 209, Tóle bı 273; Beketov – Borodındegi qoǵamdyq keńistik; AMJZ skverin avtomatty sýarý qurylǵysyn ornatý arqyly kógaldandyrý, abattandyrý, «Prokofev» býlvarynda, Dúısenov kóshesiniń boıynda 2 joba boıynsha kógaldandyrý, avtomatty sýarý júıesi júrgizildi, -dedi E.Dosaev.
1 qyrkúıekte aýdan ákimdigi qalǵan 17 joba boıynsha baǵdarlamanyń 2 kezeńin iske asyrý jumystary bastalmaq. Atap aıtqanda, 11 joba – aýla keńistigin jańǵyrtý, 5 joba qoǵamdyq keńistikti ózgertýge jáne 1 ekologıalyq joba Jibek Joly jaıaý júrginshiler kóshesiniń boıynda ekoýrnalar (qaıta óńdelgen jáne qaıtalama shıkizattan óndirilgen) ornatýǵa baǵyttalǵan.