Alýa JOLDYBALINA, QSZI dırektorynyń orynbasary:
Bıyl naýryz aıynda «Qazgıdromet» ortalyǵy Qazaqstannyń qaı aımaqtarynda sý tasqyny qaýipi bar ekenin boljaǵan bolatyn. Barlyq aımaqtar qateri joǵary óńirler (10 aımaq), qateri ortasha aımaqtar (6), qateri tómen óńir (1 oblys) dep bólingen edi. Sol ýaqyttan beri halyqtyń da, memlekettik organdardyń da daıyndyq jumystaryna qaramastan sý tasqynynyń kólemi de, zardaby da azaıar emes.
Qazirgi ýaqyttaǵy eń basty 2 mindet: birinshiden, adam shyǵynyn boldyrtpaý, adamdardyń qaýipsiz aımaqqa kóshýin tez ári tıimdi uıymdastyrý. Ekinshiden, zardap shekken aımaqtarǵa tamaq, kıim-keshek turǵysynan shuǵyl kómek kórsetip, ómir súrý jaǵdaılaryn jaqsartý.
Osyndaı jaǵdaıda barlyq azamattar da, bıznes te, jekelegen uıymdarda da jumylyp, shama kelgenshe kómek kórsetýi tıis.
Eriktilerdiń málimdeýinshe, keıingi ýaqytta jumys óte kúsheıgen, sebebi halyq qaıyrymdylyq jasaýǵa óte belsendi qatysýda. Kómek qabyldaý ortalyqtary kúndiz-túni jumys isteýde. Osynyń bári halyq árdaıym birlik pen janashyrlyq ustanymynda áreket etetiniń kórinisi.
Keleshekte qýańshylyq pen órt, sý tasqyny degen sekildi apattar aldyn alýda, yqtımal tabıǵı, tehnologıalyq qaýipterdiń bári eskerip, saralaıtyn táýekelderdi basqarý ortalyǵyn qurý da óte mańyzdy bolyp kórinedi.