Respýblıka kúni qarsańynda ádebıet salasyndaǵy eń joǵary syılyq tabystalady.
«Qazaqstan halyq jazýshysy» atanǵandarǵa 18 myń ústemaqy qarastyrylǵan, dep habarlaıdy Almaty-akshamy.kz
Bul týraly Mádenıet jáne aqparat vıse-mınıstri Arman Júdebaev aıtty.
Bıyldan bastap qaıta qolǵa alynatyn «Qazaqstannyń halyq jazýshysy» ataǵy – elimizdiń ádebıetin damytýǵa erekshe úles qosqan, buryn «Qazaqstannyń eńbek sińirgen qaıratkeri» jáne Qazaqstan memlekettik syılyǵynyń laýreaty atanǵan tulǵalarǵa beriledi. 1999 jyldan bastap búl ataqty berý toqtatylǵan.
Senattyń jalpy otyrysynan soń Arman Júdebaev «Qazaqstan halyq jazýshysy» atanǵan tulǵaǵa qandaı materıaldyq tólem beriletinin aıtty.
«Qazaqstan halyq jazýshysy» ataǵy ádebıet salasyndaǵy eń joǵary ataq bolady. Úkimettiń tıisti qaýlysy bar. Bul turǵyda ol kisiler memlekettik mekemede jumys istese, onda tıisti ústemaqy tólenedi. Al jumys istemese, tólem jasalmaıdy. Jalpy mundaı jaǵdaıda eshqandaı qarjylyq esepteý qarastyrylmaǵan. Olar (ataqty alǵandar – avt.) Mádenıet jáne aqparat mınıstrliginiń tıisti memlekettik mekemelerinde qyzmet etse, 17 954 teńge somasyndaǵy ústemaqy alady», - dedi mınıstrdiń orynbasary.