DSM ónimniń qaýipsizdigin memlekettik baqylaý sharalaryn kúsheıtýde.
5 myń synama ónimdi baqylaý satyp alý jáne júrgizilgen sanıtarıalyq-epıdemıologıalyq saraptama qorytyndysy boıynsha Densaýlyq saqtaý mınıstrliginiń Sanıtarıalyq-epıdemıologıalyq baqylaý komıteti tekserilgen ónimniń 35%-y EAEO biryńǵaı sanıtarıalyq talaptaryna jáne tehnıkalyq reglamentteriniń talaptaryna sáıkes kelmeıtinin anyqtady, dep habarlaıdy aqshamnews.kz sala mınıstrligine silteme jasap.
Respýblıka aýmaǵynda taratylatyn ónimniń qaýipsizdigine júrgizgen saraptama nátıjesinde 439 jedel den qoıý sharasy qabyldandy, halyqtyń densaýlyǵyna yqtımal qater tóndiretin 2 tonnadan astam ónim satylymnan alyndy.
Aýyl sharýashylyǵy mınıstrligimen ózara is-qımyl sheńberinde ımporttyq ónimniń 34 óndirýshisine qatysty kúsheıtilgen zerthanalyq baqylaý engizildi.
Sondaı-aq, tehnıkalyq retteý jónindegi ýákiletti organmen ózara is-qımyl kezinde 2023 jyly sút ónimderiniń, qus etiniń jáne parfúmerlik-kosmetıkalyq ónimderdiń sáıkestigi týraly 200 deklarasıanyń qoldanylýy toqtatyldy jáne kúshi joıyldy.
Ýyttylyq deńgeıin, zıandy zattardyń quramyn, mıkrobıologıalyq jáne basqa da sıpattamalardy anyqtaıtyn sanıtarıalyq-epıdemıologıalyq saraptama oblystyq jáne aýdandyq deńgeıdegi Ulttyq saraptama ortalyǵynyń 84 akkredıttelgen zerthanasynda júrgiziledi.
Densaýlyq saqtaý mınıstrligi halyqtyń densaýlyǵyn qorǵaýǵa baǵyttalǵan zańnama aıasynda jumysyn jalǵastyrýda jáne naryqtaǵy ónimniń qaýipsizdigin qamtamasyz etý úshin barlyq qajetti sharalardy qabyldaýda.