Qazaqstannyń halyq ártisi Torǵyn Tasybekova ómirden ótti.
Qaraly habardy Mádenıet jáne aqparat mınıstrligi rastady, dep habarlaıdy Almaty-akshamy.kz El.kz aqparat agenttigine silteme jasap.
Qazaq KSR-niń halyq ártisi, «Qurmet» ordeniniń ıegeri, Qazaqstannyń halyq ártisi Torǵyn Tasybekova Almaty oblysynda dúnıege kelgen.
1961 jyly Qurmanǵazy atyndaǵy Qazaq ulttyq konservatorıasynyń akterlik sheberlik fakúltetin bitirgen. Sol jyly Muhtar Áýezov atyndaǵy Qazaq memlekettik akademıalyq drama teatrynyń akterlik quramyna qabyldandy.
Qaıratker tulǵa asyl ónerdi qasterleýdiń ozyq úlgisin kórsetip, ómiriniń sońyna deıin óziniń súıikti teatryna aıanbaı qyzmet etti. Aktrısanyń ásem daýysy, sulý beınesi men shynaıy somdaǵan keıipkerleri máńgi halyq jadynda qalary sózsiz. Ardaqty jannyń ǵıbratty ǵumyr joly eshqashan umytylmaıdy. Marqumnyń jatqan jeri jaıly, topyraǵy torqa bolsyn, – delingen mınıstrlik habarlamasynda.