Bul týraly Ekologıa jáne tabıǵı resýrstar mınıstrliginiń buıryǵynda kórsetilgen.
15 aqpannan bastap ǵylymı-zertteý jumystary úshin bir jyl boıy kıikterdi atýǵa ruqsat berilýi múmkin, dep habarlaıdy Almaty-akshamy.kz
«Beriletin lımıt tek ǵylymı maqsattar úshin bólinedi. Ǵylymı maqsatta kıikterdi alýǵa usynylǵan kvotalar veterınarıa jónindegi ulttyq referenttik ortalyq, zoonozdyq ınfeksıalar ınstıtýty, QR BǴM Zoologıa ınstıtýty jáne Qazaq ǵylymı-zertteý veterınarıalyq ınstıtýty úshin kepildendirilgen. Qosymsha kvotalar, onyń ishinde basqa uıymdar úshin de oblys deńgeıinde bólingen lımıtter sheginde bólinýi múmkin», - delingen qujatta.
Qujatqa qosymsha berilgen túsindirmede jazylǵandaı, bul norma 2023 jyldyń 15 aqpanynan keler jyldyń 15 aqpanyna deıingi aralyqta ań aýlaý kezeńinde qoldanylady.
Ǵylymı maqsatta Qazaqstannyń 4 oblysy aýmaǵynda 1 815 kıikti atýǵa ruqsat berilmek.
Óńirler boıynsha bekitilýi múmkin lımıt:
Aqmola oblysy – 705 kıik;
Qaraǵandy oblysy – 700 kıik;
Qostanaı oblysy – 210 kıik;
Batys Qazaqstan oblysy – 200 kıik.
Buǵan deıin Ekologıa jáne tabıǵı resýrstar mınıstrligi bıyl kıikterdi atýǵa ruqsat berilmeıtinin málimdegen edi.