Boryshkerdiń sottan tys jáne sot arqyly bankrottyq rásimderin boryshkerdiń tirkelgen jeri boıynsha memlekettik kirister organdary iske asyrady.
Memlekettik kirister komıteti Boryshkerdiń qarjylyq jaǵdaıyna monıtorıń júrgizý qaǵıdalary men merzimderin bekitý týraly buıryq ázirledi, dep habarlaıdy Almaty-akshamy.kz
Qujat boryshkerdiń qarjylyq jaǵdaıyna monıtorıń, sondaı-aq onyń nátıjeleri rásimdi toqtatýǵa nemese bankrot mindettemelerin toqtatýdan bas tartýǵa negiz bolatyn, boryshkerdiń kredıtorlar aldyndaǵy mindettemelerdi oryndaýdan jaltarýy maqsatynda jeke múddeleri úshin jasaǵan áreketterine tekserý júrgizý tártibi men merzimderin aıqyndaıdy.
Boryshkerdiń qarjylyq jaǵdaıyna monıtorıń júrgizý sheńberinde memlekettik kirister organdary:
- sottan tys jáne sot arqyly bankrottyq rásimin qoldanylǵanǵa deıingi sońǵy 3 jylǵa – sottan tys bankrottyq qoldanylǵan jáne sot bankrottyǵy rásimin qoldaný týraly sheshim zańdy kúshine engen kúnnen bastap kúntizbelik 30 kún ishinde;
- sottan tys jáne sot arqyly bankrottyq rásimi kezeńinde – toqsan saıyn, esepti kezeń aıaqtalǵanǵa deıin kúntizbelik 10 kún ishinde boryshkerdiń qarjy-sharýashylyq qyzmetine taldaý júrgizý arqyly onyń kredıtorlar aldyndaǵy mindettemelerin oryndaýdan jaltarý belgilerin anyqtaıdy.
Boryshkerdiń kredıtorlar aldyndaǵy mindettemelerin oryndaýdan jaltarý belgileriniń bar ekendigin kýálandyratyn faktilerge:
- múlikti nemese múliktik mindettemelerdi, múlik, onyń mólsheri, turǵan jeri týraly málimetterdi ne múlik týraly ózge de aqparatty jasyrý, múlikti ózgeniń ıelenýine berý, múlikti ıelikten shyǵarý nemese joıý;
- múlik týraly málimetterdi kórsetetin qujattardy jasyrý, joıý, burmalaý jatady.
Boryshkerdiń kredıtorlar aldyndaǵy mindettemelerin oryndaýdan jaltarý belgilerin anyqtaý mynadaı derekkózderde:
- memlekettik kirister organdarynyń aqparattyq júıelerinde;
- Qazaqstan Respýblıkasynyń zańnamasynda belgilengen óz quzyreti sheginde ózge de memlekettik organdarynda;
- sot organdarynda bar boryshkerge qatysty derekter men qujattardy zerdeleý jáne taldaý arqyly iske asyrylady.
Qajet bolǵan jaǵdaıda memlekettik kirister organdary boryshkerdiń kredıtorlar aldyndaǵy mindettemelerin oryndaýdan jaltarý belgilerin jáne tólem qabiletsizdiginiń týyndaý sebepterin obektıvti baǵalaýǵa qajetti málimetterdi alý úshin memlekettik organdarǵa jáne uıymdarǵa, shet memleketterdiń uıymdaryna suraý salý jiberedi.
Boryshkeriniń qarjy-sharýashylyq qyzmetin taldaý qorytyndysy boıynsha memlekettik kirister organdary mynadaı qujattardyń birin:
- boryshkerdiń kredıtorlar aldyndaǵy mindettemelerdi oryndaýdan jaltarý belgileriniń bolýy týraly qorytyndyny;
- boryshkerdiń kredıtorlar aldyndaǵy mindettemelerin oryndaýdan jaltarý belgileriniń bolmaýy týraly anyqtamany jasaıdy.
Qorytyndynyń jáne anyqtamanyń bir danasy MKO nomenklatýralyq isterinde saqtalady, al ekinshi dana boryshkerge jiberiledi.
Memlekettik kirister organy qorytyndy jasalǵan kúnnen bastap 3 jumys kúni ishinde Qazaqstan Respýblıkasy Ákimshilik quqyq buzýshylyq týraly kodeksiniń 182-baby boıynsha Ákimshilik quqyq buzýshylyq týraly hattama jasaıdy jáne sheshim qabyldaý úshin materıaldardy sotqa beredi;
Qorytyndynyń nemese anyqtamanyń kóshirmesin Qazaqstan Respýblıkasy Qarjy mınıstrliginiń Memlekettik kirister komıtetine jiberedi.
Qujat 8 aqpanǵa deıin talqylaý úshin Ashyq NQA saıtynda jarıalandy.
30 jeltoqsan kúni Memleket basshysy Qasym-Jomart Toqaev «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» zańǵa qol qoıǵan edi.