QR Ǵylym jáne joǵary bilim mınıstrligi elimizde ǵylymı joba avtorlaryna beriletin syıaqylar taraly túsinik berdi, dep habarlaıdy almaty-akshamy.kz.
«2023 jyldyń qorytyndysyn saralaı kele, 2022 jyly iske qosylǵan jobalar boıynsha avtorlarǵa onlaın-baqylaý tehnologıasy jobasyna qatysty 20 mln teńge kóleminde avtorlyq syıaqy tólendi», - delingen mınıstrliktiń Kazinform agenttigine bergen jaýabynda.
Vedomstvo málimetine qaraǵanda, ǵylymı-zertteý ınstıtýttary men ǵalymdar roıaltıden basqa ǵylymı-tehnıkalyq qyzmettiń nátıjesin komersıalandyrý jobalaryn iske asyrýdan da dıvıdendter alýǵa quqyly.
«2016 jyldan beri ótkizilip kele jatqan konkýrstar aıasynda «Ǵylym qory» AQ ǵylymı nemese ǵylymı-tehnıkalyq qyzmettiń nátıjesin komersıalandyrýdyń 290 jobasyn qarjylandyrdy. Onyń ishinde 152-si aıaqtaldy jáne 138 joba iske asyrý satysynda. 2024 jylǵy 1 qańtardaǵy jaǵdaı boıynsha jobalar boıynsha jalpy satylymdar 33,7 mlrd teńgeni qurady. Atap aıtqanda, tehnologıalardy berý turǵysynda 51 lısenzıalyq kelisim jasaldy, jalpy somasy 534 mln teńgege roıaltı tólendi, 1 763 jumys orny ashyldy, sondaı-aq tólengen jalaqynyń jalpy somasy 6,9 mlrd teńgeni qurady», - dep atalyp ótken mınıstrlik aqparatynda.