150 protez, 200 arba, 76 sóıleý prosesory jáne 7 súıek ótkizgish estý apparaty berilgen.
2023 jyly memlekettik satyp alý arqyly 1 390 mln. teńge somasyna 433 adam ońaltýdyń ınovasıalyq tehnıkalyq quraldarymen qamtamasyz etildi, dep habarlaıdy Almaty-akshamy.kz
2023 jyly Almaty qalasynyń ákimi Erbolat Dosaevtyń tapsyrmasymen Almaty qalasyn damytýdyń 2025 jylǵa deıingi baǵdarlamasyn jáne 2030 jylǵa deıingi orta merzimdi perspektıvalardy iske asyrý aıasynda múmkindigi shekteýli jandardy ońaltýdyń tehnıkalyq quraldarynyń sapasyn arttyrý úshin olardy jeke tapsyrys boıynsha, memlekettik satyp alý arqyly ońaltýdyń ınovasıalyq tehnıkalyq quraldarymen qamtamasyz etý boıynsha jumys júrgizildi.
Sapaly ońaltý quraldaryn satyp alý múgedektigi bar adamdardyń jeke qajettiligin eskere otyryp, ońaltý quraldarymen qamtamasyz etýge ǵana emes, sonymen qatar múgedektigi bar adamdardyń óz quqyqtaryn tolyq kólemde iske asyrý qabiletin qalpyna keltirýge, sol arqyly olardyń qoǵamǵa kirigýine yqpal etýge múmkindik beredi.
2023 jyly memlekettik satyp alý arqyly 1 390 mln. teńge somasyna 433 adam ońaltýdyń ınovasıalyq tehnıkalyq quraldarymen qamtamasyz etildi. Atap aıtsaq, 150 protez, 200 arba, 76 sóıleý prosesory jáne 7 súıek ótkizgish estý apparaty.
2024 jyly múgedektigi bar 288 adamdy ońaltýdyń ınovasıalyq tehnıkalyq quraldarymen qamtamasyz etý úshin jergilikti búdjetten 1 396 550 myń teńge somasynda qarajat bólindi. Osylaısha, 208 adamǵa 804 050 myń teńgeniń arbasy berildi, 60 adamnyń protezdik-ortopedıalyq quraldaryna 472 500 myń teńge jumsaldy, 20 adamnyń sóıleý prosesory, súıek ótkizgishtigi bar estý apparatyna 120 000 myń teńge bólindi.
«Men múgedekter arbasyna óte rıza boldym. Arbanyń dızaıny óte joǵary deńgeıde jasalǵan, materıaldardyń sapasy da jaqsy. Oryndyq óte yńǵaıly jáne jaıly, jumsaq jastyqtary bar, júrip-turýǵa óte yńǵaıly. Arba jeńil ári ońaı burylady, tipti tar bólmede de basqarý ońaı. Mundaı arbalar ómir sapasyn jaqsartýǵa kómektesip, kúndelikti ómirde yńǵaılylyq pen jaılylyqty qamtamasyz etedi!» - dedi arnaıy jabdyq alýshylardyń biri Baýyrjan Mekenbaıuly.
Ol Almaty ákimine osy arbany satyp alýǵa kómekteskeni, ásirese óziniń qajettiligin qanaǵattandyrý úshin qajetti jabdyqty tańdaýǵa kómekteskeni úshin alǵysyn bildirdi.