2023 jylǵy 1 qańtardan bastap ǵylymı uıym qyzmetkerleriniń laýazymdyq jalaqysy 18 paıyzǵa artty. 2024 jylǵy 1 qańtarynan taǵy 18 paıyzǵa, al 2025 jylǵy 1 qańtarynan 17 paıyzǵa kóbeıedi. Bul týraly Ǵylym jáne joǵary bilim mınıstri Saıasat Nurbek málimdedi, dep habarlaıdy Almaty-akshamy.kz.
Mınıstrdiń aıtýynsha, «Qazaqstan Respýblıkasynyń ǵylym máseleleri jónindegi keıbir zańnamalyq aktilerine ózgertýler men tolyqtyrýlar engizý týraly» zań jobasynda kózdelgen norma aıasynda ǵylymı ataǵy bar ǵylymı qyzmetkerlerge ústemeaqy mólsherin arttyrý kózdelgen.
Bıyldan bastap ǵylymı ataq bolǵan jaǵdaıda kelesi mólsherde ústemeaqy belgileý kózdelip otyr:
- Ǵylym kandıdaty, fılosofıa doktory jáne beıini boıynsha doktor ǵylymı dárejesi bar qaýymdastyrylǵan profesor úshin 25 eselengen AEK (buryn 17 AEK);
- Ǵylym doktory ǵylymı dárejesi bar qaýymdastyrylǵan profesor úshin 42 eselengen AEK (buryn 34 AEK);
- Ǵylym kandıdaty, fılosofıa doktory, beıini boıynsha doktor, ǵylym doktory ǵylymı dárejesi bar profesor úshin 50 eselengen AEK (buryn 17 AEK).