Ǵylymnyń damýy halyqtyń ál-aýqatyn arttyrýy kerek
Joǵary bilim jáne ǵylym forýmynda Premer-mınıstr Álıhan Smaıylov vıdeoúndeý joldady, habarlaıdy Almaty-akshamy.kz.
Úkimet basshysy joǵary bilim jáne ǵylym salasy mamandaryn jańa oqý jylynyń bastalýymen quttyqtady.
«Jyl saıyn jańa oqý jyly qarsańynda pedagogter men ǵylym salasynyń qyzmetkerleri osy aıtýly is-sharany asyǵa kútedi. Ǵylym men joǵary bilimniń damý máseleleri Memleket basshysynyń jiti nazarynda ekenin ózderińiz bilesizder», - dep aıtty Smaıylov.
Úkimet basshysy forým ǵylym men joǵary bilim salasynyń ózekti máselelerin talqylaıtyn, jańk oqý jylynyń negizgi baǵyttaryn anyqtaıtyn ashyq alań ekenin atap ótti.
«Adamı kapıtaldy qalyptastyrýda memlekettiń ıntellektýaldyq áleýetin arttyrýda bul salanyń mańyzy zor ekeni aıqyn. Bizdiń aldymyzda Memleket basshysynyń tapsyrmalary men oǵan suranys aıasynda birtalaı mindet tur. Bul mindetterdi sapaly oryndaý úshin Úkimet bıyl naýryzda QR-da joǵary bilimdi jáne ǵylymdy damytýdyń 2023-2029 jyldarǵa arnalǵan tujyrymdamasyn qabyldady. Aldymyzda elimizdiń ǵylym salasyn qaıta júkteý mindeti tur. Osy baǵytta ǵylymdy basqarýdyń jańa modeline kóshýdi bastadyq.Negizgi maqsat - ǵylym men joǵary bilimniń damýy ekonomıkanyń ósýine jáne halyqtyń ómir súrý sapasyn arttyrýǵa baǵyttaý»,- dedi Smaıylov.