Ǵylym men bıznesti baılanystyratyn aýqymdy shara elde tuńǵysh ret uıymdastyrylyp otyr.
Qazaqstan Respýblıkasy Prezıdentiniń janyndaǵy Qazaqstan Respýblıkasynyń Ulttyq ǵylym akademıasy «1st business and science event» forýmyn ótkizdi. Forýmǵa 300-ge jýyq ǵalym men kásipker qatysty.
«1st business and science event» forýmynyń maqsaty ǵylym – óndiris – bıznes arasyndaǵa baılanysty nyǵaıtý. Shara aıasynda bedeldi bıznesmender men ǵalymdar tájirıbe almasyp, ár túrli taqyrypta sheberlik dárister ótti. QR Prezıdentiniń janyndaǵy QR UǴA jáne Fızıka-tehnıkalyq ınstıtýty «Maıamı solar» jáne «Tau nano group» JSHS-men úshjaqty yntymaqtastyq týraly memorandýmǵa qol qoıyldy.
Forým barysynda ǵalymdardyń kommersıalızasıaǵa daıyn tájirıbelik úlgilerin qamtıtyn ǵylymı-ınnovasıalyq kórme ótti.
