«15 shilde oqıǵasy halyqtyq demokratıany qorǵaýdyń halyqaralyq mysaly retinde» – búgin, 5 shilde Almatyda osyndaı taqyrypta konfrensıa ótti.
Eýrazıa ǵylymı-zertteý ınstıtýty uıymdastyrǵan sharaǵa ǵylym, dıplomatıa jáne BAQ ókilderi qatysty, dep habarlaıdy Almaty-akshamy.kz.
Onda Túrkıadaǵy 2016 jyly 15 shildedegi tóńkeristi taqyryp ete otyryp, Túrki álemindegi jáne keıbir jahandyq máseleler talqylandy.
Túrkıanyń Almatydaǵy Bas konsýly Alı Rıza Akynjy da óz baıandamasyn jasady. Ol 15 shildedegi áskerı tóńkeristiń sıpatyna qatysty óz pikirin ortaǵa saldy.
«Ózge uqsas oqıǵalardan ózgesheligi halyq ózi saılaǵan legıtımdi bılikti qorǵaýǵa kúsh saldy. Baýyrlas Qazaqstannyń basshylyǵy alǵashqylardyń biri bolyp Ankaranyń qasynan tabyldy», – dedi konsýl myrza.
Eýrazıa ǵylymı-zertteý ınstıtýtynyń dırektory Sýat Beılur myrza túrli tóńkeristik áreketterdegi dinı aǵymdar men ekstremıstik uıymdardyń yqpalyn tereńirek qarastyrýdyń ózektiligin eske saldy.
Óz kezeginde Saıası zertteýler ortalyǵynyń dırektory Aıdar Ámirebaev gıbrıtik soǵys taqybyryn toqtaldy. Ol Túrkıadaǵy «15 shilde tóńkerisi», Qazaqstandaǵy «Qańtar oqıǵasy», Reseıdegi «Vagner oqıǵasy» qatarly kúrdeli qubylystarda gıbrıttik soǵystyń sıpattaryn tabýǵa bolatynyn jetkizdi. Sondaı-aq, túrki memleketteri álemge qandaı saıası modernızaısá úlgisin usyna alatynyn ortaq izdený kerek degen oıyn usyndy.
Ǵylymı otyrysqa, sonymen qatar, Fılosofıa, saıasattaný jáne dintaný ınıstıtýtynyń dırektory Serik Seıdýmanov, Qoja Ahmet Iassaýı atyndaǵy HQTÝ ókiletti keńes tóraǵasy Mýhıttın Shımshek taqyrypqa qatysty óz pikirlerin ortaǵa saldy. Alatau-Aqparat medıaholdınginiń bas dırektory Erjan Qalymbaıuly qonaq retinde qatysty.