Bı arqyly ulttyq ónerdi nasıhattaý.
Ulttyq dástúrdi, saltty tanytatyn ónerdiń tóresi – bı. Osyndaı ustanymy bar «Gúlder» bı toby muhıttyń ar jaǵynda qazaq halqynyń mádenıetin nasıhattap júr, dep habarlaıdy Almaty-akshamy.kz «Habar 24».
Vırdjınıa shtatynda belsendi qyzdardyń uıytqy bolýymen qurylǵan ujym túrli saltanatty sharalarda sahananyń sánin keltiredi.
«Men Soltústik Koralınoda turamyn. Osy jaqqa kelýge bes saǵat ýaqyt ketedi. Men kishkentaı kezimde Taraz qalasyndaǵy Aısha bıbi tobynda bılegenmin. Ózime óte unaıdy, sondyqtan sharshamaımyn», - deıdi «Gúlder» tobynyń múshesi Gúlıar Hasanova.
«Gúlder» toby 2017 jyly quryldy. Vashıngtonda ótken halyqaralyq sharada qazaqtyń mádenıetin tanystyrý úshin jınalǵan qyzdar sol kezde kórermender tarapynan úlken qoldaý tapqan. Aqyldasa kele, top qurady.
«Biz Vashıngtonda uıymdastyrylatyn halyqaralyq festıvalderde qazaqtyń mádenıetin tanystyrýdy jalǵastyrýymyz kerek dep sheshtik», - deıdi «Gúlder» tobynyń múshesi Aınur Nýrkına.
Amerıkadaǵy mádenı sharalar, Naýryz merekesi qazir «Gúlder» tobynyń qatysýynsyz ótpeıdi. Olar da óneriniń arqasynda birneshe shtatty aralap shyqqan. Qazir toptyń repertýarynda Azıa halyqtarynyń kóptegen bıi bar. Elge degen saǵynysh pen mahabbat shyǵar, «Gúlder» toby sahanada óner kórsetkenderi úshin gonorar suramaıdy. Ár shyǵarmaǵa saı kıim tigý sıaqty shyǵyndardy da ózderi kóteredi.