Bıyl qańtardyń sońynda Qazaqstanda ósimdikter men gúlderdiń baǵasy bir jyl ishinde 8,2% qymbattady.
Energyprom.kz usynǵan málimetterge úıensek, óńirler boıynsha baǵanyń eń qymbat gúl Qaraǵandy oblysynda satylady. Iaǵnı, bir jylda 41,5% ósken. Odan keıin Almaty oblysy (18,1%) jáne Astanada (14,5%) qatty qymbattady. Eń az jyldyq baǵa ósimi Almaty qalasynda tirkeldi: 1,3%.
Aqmola, Jambyl jáne Jetisý oblystarynda baǵa byltyrǵy qańtardaǵy deńgeıde saqtalǵan. Kerisinshe Pavlodar oblysynda bir jylda 0,9%, Ulytaý oblysynda - 6,1% arzandaǵan.
Búkil álemge tanymal raýshan gúlderi qańtar aıynda QR aýyl sharýashylyǵy bazarlarynda bir danasy ortasha eseppen 946 teńgeden satylǵan. Al Abaı oblysynda bir dana gúl 1 400 teńgege baǵalanyp, eń qymbat ólke retinde tirkeldi. Munan keıingi satyǵa Qostanaı (1 300 teńge) jáne Shyǵys Qazaqstan (1 200 teńge) oblystary jaıǵasty. 600 teńgeden gúl saýdalaǵan Shymkent eń arzan oblys boldy. Batys Qazaqstan oblysynda raýshan gúli 648 teńgege saýdalansa, Qyzylordada 667 teńgege teń keldi.
2023 jyly Qazaqstanda 17,6 mln gúl jınalǵan. Gúlder elimizdiń 20 óńiriniń 13-de ósirilip, jınalǵan.
Almaty oblysynda eń kóp gúl jınaldy: 7,8 mln dana, jyldyq ósim 10,9 ese. Odan keıin Aqmola (5,3 mln dana) jáne Qaraǵandy (2,2 mln dana) oblystary.
Salaǵa qarjy quıýǵa keletin bolsaq, gúl ósirý jáne gúl daqyldarynyń tuqym sharýashylyǵy salasyndaǵy negizgi kapıtalǵa ınvestısıa 2023 jyldyń qańtar–jeltoqsan aılarynda 554,8 mln teńgeni qurady, bul tek eki oblysqa — Túrkistan (545,4 mln teńge) jáne Qaraǵandy (9,5 mln teńge) oblystaryna tıesili.
8 naýryz qarsańynda Energyprom.kz sarapshylary Qazaqstannyń EAEO elderinen gúlder eksporty men ımportynyń qurylymyn zerttedi.
2023 jyldyń qańtar–jeltoqsan aılarynyń qorytyndysy boıynsha, Qazaqstan EAEO elderine kóbine jańa kesilgen gúlder men raýshan, qalampyr jáne hrızantema búrshikterin jiberdi. Sonymen qatar, egilgen nemese egilmegen raýshan gúlderi men orhıdeıalar, sonymen qatar vegetasıa jáne gúldep kele jatqan gıasınt, narsıs jáne qyzǵaldaq jıi eksporttaldy.
Osy oraıda Energyprom sarapshylary picodi.com saıtynyń saýalnamasyn usynýdy jón kórdi. 2022 jyly júrgizilgen saýalnamaǵa sáıkes, qazaq áıelderiniń 39%-y ǵana merekege gúl alǵysy keledi.
Áıelderdiń 87%-y kóbine jumys ornynda, 89%-y jaqyndarynan gúl alady. Názik jandylardyń 56%-y 8 naýryzda ózderi gúl syılaıdy. Er adamdardyń tek 70%-y gúl syılaıdy.
Aıtpaqshy, saýalnamaǵa sáıkes gúlder kóp qalanatyn syılyqtar arasynda tek besinshi orynda tur. Burymdylar 8 naýryzǵa aqsha (69%), parfúmerıa (63%) jáne kosmetıkany (54%) eń kerekti syılyqtar dep sanaıdy. Al eń qajetsiz ári orynsyz syılyqtar qataryna alkogól (50%), ishkıim (44%) jáne ashyq hattar (38%) endi.