ESPN ınsaıderi Maık Koppındjer orta salmaqtaǵy álem chempıondary Gennadıı Golovkın men Rıota Mýrata arasyndaǵy aıqas Saıtamda (Japonıa) 9 sáýirde ótetinin málimdedi, dep habarlaıdy Almaty-akshamy.kz Sports.kz-ke silteme jasap.
Qarsylastar orta salmaqtaǵy IBF, WBA Super jáne IBO tıtýldary úshin talasady. Koppındjerdiń aıtýynsha, shoý Japonıada senbi kúni praım-taımda ótedi, al basty is-sharanyń bastalýy jergilikti ýaqyt boıynsha 22-23 saǵatqa josparlanǵan. Osylaısha, qazaqstandyq kórermender astana ýaqytymen saǵat 19:00-20:00 shamasynda jekpe-jekti tamashalaıdy. AQSH-ta translásıa tańerteń bolady, ony DAZN strımıngtik qyzmeti kórsetedi.
Esterińizge sala keteıik, bastapqyda Golovkın — Mýrata aıqasy 2021 jyldyń jeltoqsan aıynyń sońynda ótýi kerek edi, biraq Japonıada antıkovıdtik sharalardyń kúsheıýine baılanysty keıinge qaldyryldy.