Golovkın - «Kanelo» úshinshi jekpe-jeginiń tikeleı efırden kórsetilýi týraly málimet jarıalandy, dep habarlaıdy Almaty-akshamy.kz Inform.kz-ke silteme jasap.
18 qyrkúıek kúni tańerteń Las-Vegasta (AQSH) qazaqstandyq boksshy Gennadıı Golovkın (42-1-1, 37 KO) men meksıkalyq Saýl «Kanelo» Alvarestiń (57-2-2, 39 KO) úshinshi jekpe-jegi ótedi.
Qazaqstanda Golovkın men «Kanelo» arasyndaǵy úshinshi aıqas Qazsport telearnasynan kórsetiledi dep josparlanǵan. Boks keshiniń translásıasy Nur-Sultan ýaqytymen saǵat 5:00-de bastalady. Basty sheshýshi aıqas shamamen saǵat 8:00-de bolady.
Eske sala keteıik, Golovkın men «Kanelo» arasyndaǵy úshinshi jekpe-jek T-Mobile Arena saraıynda ótedi. Aldaǵy jekpe-jekte sýper orta salmaqtaǵy absolútti álem chempıony ataǵy báske tigiledi. Qazirgi ýaqytta onyń ıesi – «Kanelo».