Ulttyq kıno ortalyǵy qańtarda sheteldik fılmderdi dýblájdaýǵa konkýrs jarıalaǵan.
Biraq eshbir kompanıa oǵan qatysýǵa ótinim bermegen, dep habarlaıdy Almaty-akshamy.kz
Sol sebepti ortalyq konkýrsty aqpanda qaıta jarıalady.
Ulttyq kınony qoldaý ortalyǵy Qazaqstan aýmaǵyna ákelinetin balalarǵa arnalǵan anımasıalyq fılmder men otbasylyq fılmderdiń qazaq tilindegi dýblájyn qarjylandyratyn biryńǵaı operator. Dýblájǵa arnalǵan fılmder mádenıet jáne sport mınıstriniń buıryǵyna sáıkes irikteledi.
«2024 jyly reıtıńi joǵary, premerasy ótpegen jańa 15 blokbasterdy qazaq tiline dýblájdaý josparda bar. Atalmysh is – sharalardy iske asyrý maqsatynda memlekettik búdjetten 2024 jylǵa 443,0 mln. teńge qarajat qarastyrylǵan», delingen Mádenıet jáne aqparat mınıstrliginiń aqparatynda.
Mınıstrliktiń málimetinshe, konkýrsqa ótinim bergisi keletin kompanıada avtorlyq quqyqty saqtaý salasyndaǵy halyqaralyq talaptarǵa sáıkes keletin kontenti, quqyq ıelenýshilerinen qazaq tiline dýbláj jasaýǵa qajetti ókilettikteri men quqyǵy bolýy tıis.