Qazaqstanda unamaǵan esimdi aýystyrýǵa bola ma?
Bul qyzmet adamnyń jeke ótinishi boıynsha júrgiziledi, dep habarlaıdy Almaty-akshamy.kz
«Zańǵa sáıkes, atyn, ákesiniń atyn, tegin aýystyrýdy memlekettik tirkeýdi tirkeýshi organdar on alty jasqa tolǵan jáne atyn jáne (nemese) ákesiniń atyn, tegin aýystyrǵysy keletin adamnyń jeke ótinishi boıynsha júrgizedi», delingen Ádilet mınıstrliginiń aqparatynda.
Neke (erli - zaıyptylyq) jáne otbasy týraly kodeks babynda esimin ózgertý úshin negizderdiń tolyq tizimi keltirilgen.
Esim:
oǵash estilgen kezde;
aıtýǵa qıyndyq keltirse;
ótinish berýshi tańdaǵan ata-analarynyń biriniń ultyna (ata-analarynyń ulty ártúrli bolǵan kezde) sáıkes keletin atty jáne (nemese) tekti alǵysy kelse;
qujattardaǵy atynan ózgeshe, ómirde naqty qalyptasqan atyn alǵysy kelse;
jynysyn hırýrgıalyq jolmen ózgertken kezde tańdaǵan jynysqa sáıkes keletin atty, ákesiniń atyn, tekti alǵysy kelýi kezinde júrgiziledi.
«Qyzmet kórsetý tártibi qaǵıdalarymen retteledi. Qujattar toptamasyn tapsyrǵan sátten bastap memlekettik qyzmet kórsetý merzimi - 5 (bes) jumys kúni, qyzmet aqyly 1 932 teńge», dep naqtylady Ádilet mınıstrligi.