Almaty qalasynyń Áýezov aýdany, Abaı-Momyshuly kósheleriniń qıylysynda ornalasqan kafede órt boldy, dep habarlaıdy almaty-akshamy.kz TJD baspasóz qyzmetine silteme jasap.
TJD málimetinshe, órt Jetisý-3 shaǵynaýdanynda, 1/b úıdiń janynda bolǵan.
«Órtti sóndirý qyzmeti kelgende garajdan bastalǵan jalynnyń kafeniń shatyryna aýysqany anyqtaldy», - deıdi TJD baspasóz qyzmeti.
Jalyndy aýyzdyqtaýǵa jeke quramanyń 64 adamy jáne 18 birlik tehnıkasy jumyldyryldy. Keshki saǵat 20:00-de órt óshirildi. Órttiń aýdany 500 sharshy metrden asady.
Naqtylanǵan aqparatqa sáıkes «Ginallike» kafesinen bastalǵan órt, Rise Hall meıramhanasynyń shatyryna jáne saýda pavılondaryna aýysqan. Zardap shekkender týraly aqparat joq. Órttiń sebebi anyqtalýda.