Dımash Qudaıbergen osy aptada Malaızıada alǵashqy konsertin ótkizedi
24 maýsymda Malaızıa astanasy Kýala-Lýmpýrda Dımash Qudaıbergenniń alǵashqy «Stranger» jeke konserti ótedi, dep habarlaıdy almaty-akshamy.kz dimashnews.com saıtyna silteme jasap.
Úlken shoý qarsańynda konsertti uıymdastyrýshylar konsertke bılettermen jáne ártistiń aty jazylǵan eksklúzıvti ónimdermen túrli is-sharalar ótkizdi. Vokalıster baıqaýy qyzyqqa toly boldy, basty júlde jeńimpazdar úshin konserttiń shymyldyǵyn ashatyn qonaq retinde óner kórsetý múmkindigi boldy.
Baıqaýda Dımashtyń repertýarynan «S.O.S», «Adajıo», «Opera-2» sıaqty tanymal ánder shyrqalady. Baıqaý júldegerleri jas mýzykanttar Lim Yue Zhen jáne Aric Lau, al jeńimpaz – «Znaı» ánin oryndaǵan 16 jastaǵy ánshi Eshan boldy.
Sondaı-aq, Malaızıanyń eń tanymal ánshileriniń biri – Dato Shrı Sıtı Nýrhalıza konserttiń arnaıy qonaǵy retinde qatysatynyn jarıalady. Sıtı Nýrhalıza Dımashtyń oryndaýyn joǵary baǵalaıdy. Konsertte arnaıy qonaq bolý múmkindigi týraly suraqqa jaýap bergende Sıtı Nýrhalıza Dımashtyń ánshilik qabiletine, shyǵarmashylyǵyna tánti bolǵanyn aıtty.
«Dımashtyń daýysy keremet, meıli ol joǵary notada bolsyn, tómen notada bolsyn, esh qıyndyqsyz erkin aýysa alady, óte keremet án aıtady», – dep atap ótti Dato Shrı Sıtı Nýrhalız xuan.com.my basylymyna bergen suhbatynda.