Shekteýler qatańdatylyp jatyr
Eýropanyń birqatar elderinde koronavırýstyń órshýine baılanysty karantın shekteýleri qatańdap jatyr, dep habarlaıdy Almaty-akshamy.kz
Qańtar aıynyń ortasynan bastap Fransıada basqa elderdegideı «vaksına qujaty» iske qosylyp, qolynda PTR teris nátıjesi bar adamdar endi kópshilik sharalar, meıramhanalar jáne uqsas jerlerge bara almaýy múmkin. Biraq tıisti zańdy áli Parlament bekitýi tıis.
Parıjde qaıta vaksına alýdyń tórtinshi dozasy engiziletinini joqqa shyǵarylmady. Alaıda respýblıka bıligi lokdaýn engizbeýdi ýáde etip otyr. Berlınde jańa shekteýler seısenbiden bastap kúshine enedi. Endi elde vaksına alǵan on adamnan, ekpe salynbaǵan ekiden kóp adam kezdese almaıdy, túngi klýbtar jabylýda, al sport sharalary kórermensiz ótedi. Avstrıada shekteýler dúısenbiden bastap kúshine engen.
Endi eldegi meıramhanalar keshki saǵat 10-nan jabylýǵa mindetti. Anglıada, kerisinshe, Jańa jylǵa qaraı shekteýler engizbeý jóninde sheshim qabyldandy. Brıtandyq Premer Borıs Djonson túngi klýbtar, bı oryndary men meıramhanalardyń ózderine yńǵaıly ýaqytta jumys isteı alatynyn qaýly etti. Alaıda Qurama koróldiktiń qalǵan basqa bólikteri – Shotlandıa, Ýels jáne Soltústik Irlandıa kópshilik jınalatyn uıymdar jumysy men jeke kezdesýlerge qatysty qatań shekteýler engizgen. Lıssabon áýejaıynda ushar aldynda PTR testin tapsyryp úlgermegen myńdaǵan saıahattaýshy qalyp qoıǵan: áýejaı zerthanasynda test ótkizýge arnalǵan materıaldar taýsylyp qaldy.
Krısmas aldyndaǵy kúnderi zerthana úzilissiz jumys istedi. Jolaýshylarǵa birneshe saǵat tosyp turýǵa ne bıletterin aýystyrýǵa týra kelgen.