Germanıada qyrkúıek aıynyń sońynda ótken parlamenttik saılaýdan keıin jańa úkimet qurý týraly kelissóz áli júrip jatyr
Saıası dodada Olaf Shols bastaǵan sosıal-demokrattar jeńiske jetken, dep habarlaıdy Almaty-akshamy.kz
Al Angela Merkeldiń hrıstıan-demokratıalyq partıasy sál ǵana aıyrmashylyqpen jeńilip qalǵan edi.
Biraq konservatorlar óz ishinde kadrlyq ózgerister júrgizip, dodany jalǵastyrýǵa nıetti. Qazir qos partıa koalısıalyq úkimet qurý týraly kelissóz júrgizip jatyr.
Eki saıası kúsh te shaǵyn partıalarmen birigýdi qalaıdy. Taraptar birneshe ret kezdesý ótkizdi. Al sarapshylar sosıal-demokrattar men jasyldar jáne erkin demkorrattardan turatyn úkimet qurylatyn shyǵar dep paıymdaıdy.
Mundaı jaǵdaıda Germanıanyń kansleri Olaf Shols bolýy yqtımal.
«Barlyq partıalar jantalasyp jatyr. Kelissózderden nátıje kútýge bolady. Barlyq úsh partıa da óz josparyn júzege asyryp, rojdestvo meıramyna deıin Germanıada jańa úkimet qurylady dep oılaımyn», - dedi sosıal-demokratıalyq partıanyń kóshbasshysy Olaf Shols.