Germanıa turǵyny koronavırýsqa qarsy vaksınany 87 ret aldy
Ol kúnine úsh vaksınadan alǵan bolýy múmkin dep jazdy nemis basylymy
Germanıa turǵyny COVID-19-ǵa qarsy ekpeni 87 ret alǵan. Bılik osylaısha atalǵan azamat vaksınalaý sertıfıkattaryn zańsyz satqan dep sanaıdy, dep habarlaıdy Almaty-akshamy.kz QazAqparatqa silteme jasap.
Frei Presse nemis gazetiniń jazýynsha, 61 jastaǵy er adam Saksonıa jáne Saksonıa-Anhalt shyǵys-german jerlerindegi birneshe vaksınalaý ortalyqtaryna barǵan. Ol kúnine úsh vaksınadan alǵan bolýy múmkin dep jazdy nemis basylymy.
Er adam vaksınalaý ornyna kelgen saıyn, ol ózimen birge vaksınasıa týraly jańa taza qujat alyp kelip júrgen. Ekpe alǵannan keıin ol qujattan vaksına nómirleri týraly aqparaty bar betterdi alyp tastaǵan. Blankini vaksınany saldyrǵysy kelmeıtinderge satqan.
Sondaı-aq, er adam vaksınasıa úshin óziniń naqty aty-jóni men týǵan kúnin paıdalanyp, biraq medısınalyq saqtandyrý kartasyn kórsetpesten tirkelgen.
Drezden qalasyndaǵy egý ortalyǵyndaǵy qyzmetkerlerdiń biri bul adamdy tanyǵan soń kúdiktene bastaǵan. Kelesi joly ol Eılenbýrg qalasyndaǵy ekpe ortalyǵyna kirgen kezde qyzmetkerler polısıa shaqyryp, er adam ustalǵan.
Jýrnalıser bul jaǵdaı Germanıanyń densaýlyq saqtaý júıesindegi olqylyqtardy kórsetti dep jazdy. Munda medısınalyq aqparat negizinen sıfrlanbaǵan jáne ortalyqtandyrylǵan júıede saqtalmaǵan.
«Koronavırýsqa qarsy vaksınalardyń ulttyq tizilimi bul jaǵdaıdy dereý anyqtaı alar edi», - dedi Saksonıa memlekettik medısınalyq qaýymdastyǵynyń ókili Knýt Keler gazetke.
Germanıada ekpe alýǵa quqyly halyqtyń 75%-dan astamy tolyǵymen vaksınalansa, 58%-ǵa jýyǵy qaıtadan ekpe alǵan.