29 jastaǵy jigitti osyndaı áreketke ne ıtermelegeni anyqtalyp jatyr
Nur-Sultan qalasynyń polıseıleri kópirden sekirmek bolǵan er adamdy qutqardy. Bul týraly Nur-Sultan qalalyq polısıa departamenti málim etti, dep habarlaıdy Almaty-akshamy.kz.
Departament málimetinshe, búgin saǵat 7:22-de Jedel basqarý ortalyǵynyń «102» arnasyna Qabanbaı batyr dańǵylynda er adamnyń kópirden tómen sekirmek bolǵany týraly qońyraý kelip túsken. Elordalyq polıseıler oqıǵa ornyna dereý jetken. Polısıa qyzmetkerleri atalǵan azamatty sózge tartpaq bolǵanymen ol barynsha qarsylyq kórsetip, múldem mámilege kelmegen. Sodan keıin polısıa aǵa leıtenanty Qaırat Qusnedenov er adamdy qatty ustap alyp, qaýipsiz jerge shyǵarǵan.
«Biz ekıpaj quramy oqıǵa ornyna dereý jettik. Sol kezde qorshaýdyń arǵy jaǵynda er adamnyń jylap, ózine eshkimdi jaqyndatpaı turǵanyn kórdik. Sanaýly sekýndtarda men er adamǵa jaqyndap, ony ustap aldym. Sol kezde áriptesterim de keldi. Er adamnyń qolymyzdan julqynyp shyǵyp ketpek bolǵanyna qaramastan, ony qaıtadan kópirge alyp shyqtyq. Mán-jaıdy anyqtaý úshin ony «Esil» aýdanynyń polısıa basqarmasyna jetkizdik», - deıdi Patrúldik polısıa polkiniń qyzmet ınspektory Qaırat Qusnedenov.
29 jastaǵy jigitti osyndaı áreketke ne ıtermelegeni anyqtalyp jatyr.