Adamdar óz úıleriniń shatyryna shyǵyp, kómek kútýde.
Batys Germanıada oryn alǵan sý tasqyny adam shyǵynyna ákeldi, jolyndaǵyny shaıyp ótip, bárin qıratyp ketti, dep habarlaıdy Almaty-akshamy.kz BBC saıtyna silteme jasap.
Polısıanyń habarlaýynsha, kóptegen óńirlerdiń astan-kesteńi shyqqan, zardap shekkender men qaza tapqandardyń sanyn anyqtaý qıynǵa soǵyp jatyr. Sońǵy derek boıynsha, 33 adam qaıtys bolǵan, ondaǵan adam iz-túzsiz joq bolyp ketken.
Germanıanyń aýyldary sý astynda qalǵan, taldar qulaǵan, avtokólikter sýda júzip júr, kósheler sarqyraǵan ózenderge uqsaıdy.
Turǵyndar bul sý tasqyny buǵan deıingilerdiń ishindegi eń surapyly desedi. Adamdar óz úıleriniń shatyryna shyǵyp, kómek kútýde.
Batys Germanıaǵa sońǵy 24 saǵatta jaýyn-shashyn kóp tústi, sol sebepti ózender arnasynan shyqty. 150 myńdaı úı elektr qýatynsyz qaldy. Jergilikti sheneýnikter jaǵdaı qaýipti degendi aıtyp otyr. Beısenbi men juma kúnderi jańbyr Germanıanyń ózge de óńirlerine jaýady dep kútilýde. Eń kóp zardap shekken óńirlerge Reınland-Pfals jerleri men Soltústik Reın-Vestfalıa jatady.
