Nemis tarapy jyl saıyn 5 mln tonna qara altyn eksportyna tapsyrys bergen.
Bul jóninde «QazMunaıGaz» basshysy arnamyzdaǵy «Prezıdent» jobasyna bergen suhbatynda aıtty, dep habarlaıdy Almaty-akshamy.kz 24.kz-ke silteme jasap.
- Eksporttyń alǵashqy partıasy keler aıda Germanıanyń shyǵysyna jóneltiledi,-dedi Maǵzum Myrzaǵalıev. Shvedt qalasyndaǵy munaı óńdeý zaýytynyń jyldyq qýaty 10 mln tonnadan astam shıkizatty óńdeýge jetedi. Osylaısha zaýyt Berlın men eldiń shyǵys aımaǵyn otynmen qamtamasyz etedi.
«Munda birneshe másele bar: birinshisi munaı baǵasyna baılanysty, ekinshisi munaıdy basqa porttardan jetkizý kerek. Buǵan deıin munaıymyzdy Novorosıısk teńiz porty men Baltyq teńizindegi Ýst-Lýga arqyly jetkizetinbiz. Demek, osy porttardaǵy munaıdy alyp, nemis tarapyna basqa jolmen jetkizý kerek bolady. Qazir kelissózder qyzý júrip jatyr», - dedi «Qazmunaıgaz» UK» AQ basqarma tóraǵasy Maǵzum Myrzaǵalıev.
Myrzaǵalıevtyń aıtýynsha, Qazaqstan qara altyndy nemisterge Kaspıı qubyr jelisi konsorsıýmymen salystyrǵanda anaǵurlym tıimdi shartpen saýdalamaq. Esterińizde bolsa, buǵan deıin Germanıa reseılik munaıdan bas tartyp, ony qazaqstandyq ónimge almastyratyny jaıly aqpar taraǵan bolatyn. Bul jóninde tolyǵyraq arnamyzda saǵat 20:30-da shyǵatyn «Prezıdent» baǵdarlamasynan bilýge bolady.