Almatyda Memleket basshysy jarıalaǵan Balalar jyly aıasyndaǵy dástúrli Prezıdent shyrshasy ótip jatyr.
Shyrsha toıyna turmysy tómen, jetim, oqý ozaty men daryndy jáne erekshe qajettiligi bar, sonymen qatar, oqýda, sportta jáne shyǵarmashylyqta jetistikke jetken daryndy 300 bala shaqyryldy.
Memleket basshysy Qasym-Jomart Toqaevtyń atynan Almaty ákimi Erbolat Dosaev quttyqtap, zor densaýlyq, mol tabys jáne jańa jylda barlyq armannyń oryndalýyn tiledi.
Roza Rymbaeva «Kel, Jańa jyl!» ánin shyrqap, Aıaz Ata, Aqshaqar jáne 2023 jyldyń nyshany Qoıannyń qatysýymen shyrshanyń shamyn jaǵý teatrlandyrylǵan qoıylymnyń ózegine aınaldy.
Buǵan qosa, tanymal tulǵalar Prezıdent shyrshasyna kelgen qonaqtarǵa beınejazba arqyly júrekjardy lebizin joldady. Atap aıtqanda, olardyń arasynda ártis Dımash Qudaıbergen, Olımpıada chempıony Dmıtrıı Balandın, ánshi Danelıa Tóleshova, t.b. bar.
«Jańajyldyq sıqyr» mýzykalyq-ınteraktıvti shoý-spektakli shyrsha toıynyń shyraıyn kirgizip, Erke Esmahan, Muhtar Hanzada, KeshYou toby, t.b. ánnen shashý shashty.
İs-shara sońynda barlyq qonaqtar Qazaqstan Respýblıkasy Prezıdentiniń atynan jańajyldyq syılyqtar aldy.