Pessımstik boljamdar aıtýǵa eshqandaı negiz joq
Qazaqstan men Reseı arasyndaǵy yntymaqtyń bolashaǵy týraly pessımstik boljamdar aıtýǵa eshqandaı negiz joq. QR Prezıdenti Qasym-Jomart Toqaev Reseıdiń Sochı qalasyndaǵy sapary aıasynda ótken Reseı Prezıdenti Vladımır Pýtınmen kezdesýde osyndaı pikir bildirdi, dep habarlaıdy Almaty-akshamy.kz QazAqparat-qa silteme jasap.
«Geosaıası ahýaldyń ereksheligi saǵattarymyzdy salystyryp, tekserýdi qajet ekenin meńzeıdi. Bálkim Úkimetterge qosymsha tapsyrma berý kerek bolatyn shyǵar. Olar bir-birimen tabysty jumys istep, ózara áreket etip jatyr. Sonda da ómir sheshimin tabýdy qajet etetin jańa mindetter qoıyp otyr. Jalpy aradaǵy seriktestiktiń damýyna qanaǵattanýǵa barlyq negiz bar. Bul turǵyda sizben kelisemin. Bizdi álemdegi eń uzyn qurlyqtyq tolyq shegendelgen shekara biriktirip tur. Sondyqtan, árıne, bolashaǵymyzǵa qatysty pesımısik boljam aıtýǵa eshqandaı negiz joq», - dedi Memleket basshysy.
Prezıdent, sondaı-aq eki aradaǵy jan-jaqty yntymaqty damytýǵa múddeli ekenin atap ótti.
«Men Qazaqstan Respýblıkasynyń Prezıdenti retinde búkil saladaǵy kópjaqty áriptestigimizge qosymsha serpin berýge yntalymyn»,- dedi dedi Qazaqstan basshysy.
Aıta keteıik, búgin Qazaqstan Prezıdenti Qasym-Jomart Toqaev jumys saparymen Reseı Federasıasynyń Sochı qalasyna bardy.