Bul týraly QR QK Tárbıe jáne ıdeologıalyq jumys departamentiniń bastyǵy, ádilet polkovnıgi Tileýhan Basqojaev Ortalyq komýnıkasıalar qyzmetiniń alańynda málimdedi, dep habarlaıdy Almaty-akshamy.kz.
25 mamyrda Keńes Odaǵynyń Batyry, Halyq qaharmany táýelsiz Qazaqstannyń birinshi Qorǵanys mınıstri, armıa generaly Saǵadat Nurmaǵambetovtiń týǵanyna 100 jyl tolady. Osy kúnge oraı batyrdyń týǵan jeri Aqkól qalasynda Saǵadat Nurmaǵambetov atyndaǵy alańǵa Qorǵanys mınıstrligi eskertkish ornatady. Aqmola oblysynyń ákimdigi alańdy abattandyrady.
«Byltyr tamyz aıynda jospar bekitildi. Jospar naqty 9 tarmaqtan turady. Jergilikti organdar men ortalyq organdarǵa tapsyrmalar berilgen. Birden-bir oryndalǵan is-sharalar: Saǵadat Nurmaǵambetovtiń ósken jerinde Aqkól aýylynda Aqmola oblysynyń ákimdigimen birge skver ashylyp jatyr. Onyń tórinde Saǵadat Nurmaǵambetovke eskertkish ashylatyn bolady. Ony Búrkitbaev degen tanymal músinshi jasady. Ol komısıadan ótti. Maquldandy. Bıiktigi 5.8 metr. Materıaly – qola. Mamyr aıynda osy músin tolyqqandy ashylady», – dedi T.Basqojaev.
Sondaı-aq Qurlyq áskerleriniń áskerı ınstıtýtynda kýrsanttardyń ómirinen syr shertetin telehıkaıasyń túsirilimi aıaqtaldy.
Otandyq telearna ekranynda 2024 jyldyń 7 mamyrynda onyń tusaýkeseri ótedi.
«Almatyda áskerı jaıaý ınstıtýtynyń bazasynda 40 mınýttyq 20 serıalyq fılm támámdalyp qaldy. Osy kisiniń ómirlik jolymen qabattas jas kýrsanttyń ómir joly kórsetiledi. Ol 7 mamyrda «Qazaqstan» telearnasynda kórsetile bastaıdy. Mádenıet jáne aqparat mınıstrligimen poshtalyq markadaǵy beınesi maquldandy. Ol búkil áskerı bólimderge jiberildi. Budan basqa, ol kisiniń 3 kitaby jańǵyrtýǵa berildi», – dedi vedomstvo ókili.
QR QK Tárbıe jáne ıdeologıalyq jumys departamentiniń bastyǵy, ádilet polkovnıgi Tileýhan Basqojaev Raqymjan Qoshqarbaevtyń 100 jyldyǵyna oraı osyǵan uqsas is-sharalar ótkiziletinin atap ótti.