Sotqa deıingi tergeý amaldary jalǵasyp jatyr.
General-maıor Qaıdar Qaraqulov tergeý ızolátorynan bosatyldy. Bul aqparatty QR İshki ister mınıstrligi Tergeý departamentiniń Áskerı-tergeý basqarmasy rastady, dep habarlaıdy Almaty-akshamy.kz QazAqparatqa silteme jasap.
«Bas prokýrordyń kómekshisi qamaýda ustaý túrindegi bultartpaý sharasy qajettiliginiń bolmaýyna baılanysty Qaraqulovty ýaqytsha ustaý ızolátorynan bosatty», - dep atap ótti vedomstvonyń baspasóz qyzmetinen.
Degenmen sotqa deıingi tergeý amaldary jalǵasyp jatyr.
Budan buryn habarlaǵandaı, Jambyl oblysynyń Baızaq aýdanyndaǵy jarylysqa qatysty «Ońtústik» óńirlik qolbasshylyǵynyń burynǵy qolbasshysy Qaıdar Qaraqulov qamaýǵa alynǵan bolatyn.
Al osy jyldyń 15 naýryzynda Memleket basshysynyń ókimimen Qaıdar Sámıǵollauly Qaraqulov «Ońtústik» óńirlik qolbasshylyǵy áskerleriniń qolbasshysy laýazymynan bosatyldy.