Energetıka mınıstri Bolat Aqsholaqov el turǵyndarynyń gazdy únemdi paıdalanbaıtynyn tilge tıek etti.
Bul týraly ol búgin Úkimet otyrysynda sóz qozǵady, dep haıýarlaıdy Almaty-akshamy.kz QazAqparatqa silteme jasap.
«Halyqty gazdandyrý boıynsha belsendi jumyspen qatar energıa resýrsy retinde gazdy utymdy, únemdep tutyný mádenıetin engizý qajet ekenin de atap ótkim keledi. Taldaý kórsetkendeı, eldiń jyly aımaqtary ortasha temperatýrasy áldeqaıda tómen aımaqtarmen birdeı deńgeıde gaz tutynady», - dedi Bolat Aqsholaqov.
Onyń atap ótýinshe, 2022 jyly zańnamalyq túrde tutynýshylardyń 2 jańa sanaty – iri komersıalyq tutynýshylar jáne sıfrlyq maınıngti júzege asyratyn tulǵalar engizildi.
Bul is-sharalar ónerkásiptik kásiporyndardyń energıa tıimdiligin arttyrýǵa ákeledi.
«Osy jyly ataýly áleýmettik kómek alatyn tutynýshylardy qospaǵanda, turmystyq jáne komýnaldyq-turmystyq tutynýshylar úshin gazdy únemdi tutyný jónindegi tetikti engizý múmkindigin qarastyrý usynylady», - dedi mınıstr.