Qazir "Qazaqstan kitaphanasy" mátin terýshilerdi jumysqa alyp jatyr degen jarnama tarap ketti.
Alaıda bul shyndyqqa janaspaıdy, dep habarlaıdy Almaty-akshamy.kz Stopfake.kz-ke silteme jasap.
Basylym jarnamadaǵy "Qazaqstan kitaphanasy" degen ataýǵa nazar aýdartady. Elimizde ondaı kitaphana joq, demek, is júzinde joq kásiporyn qyzmetkerlerdi qabyldaı almaıdy.
Vıdeoda kózildirik kıgen aq shashty áıel mol tabys tabý týraly aıtady. Onyń fotosýretin jeliden izdestirgende, 2022 jyly ol kúmándi rıeltorlardyń qyzmetin jarnamalaǵany anyqtaldy. Sondaı-aq ol ózin bastaýysh synyp muǵalimi retinde tanystyryp, mátin terý arqyly 23 myń rúbl tapqany týraly aıtqan vıdeo tarady. Demek, ol aldyn ala daıyndalǵan mátindi oqıtyn aktrısa bolýy múmkin.
Mátin terip, kóp aqsha tabý – alaıaqtardyń aıla-amaldarynyń biri. Olar ádette naqty jumys berýshilerge qaraǵanda áldeqaıda joǵary jalaqy tóleýge ýáde etedi. Al qyzmet úshin aqy tóleıtin kezde, olar aldymen "kepil" retinde az mólsherde aqsha jiberýdi suraıdy. Aýdarmany alǵannan keıin, alaıaqtar baılanysty toqtatady.
Basylym "taralǵan aqparat – alaıaqtardyń isi" degen qorytyndy jasady. Mundaı usynystarǵa senbegen durys.