Áleýmettik jelilerde balalardyń gazdalǵan sýdan ýlanýy týraly feık aqparat taralýda
WhatsApp-ta «Tarhýn» sýsynyn iship, ýlanǵan balanyń qaıtys bolǵany jáne basqa balalardyń gazdalǵan sýsyndardan qatty ýlanyp qalǵany týraly feık aqparat taǵy da taraldy. QR DSM sanıtarıalyq-epıdemıologıalyq baqylaý komıteti bul aqparatty teriske shyǵaryldy.
Habarlamada «Tarhýn» jáne «Sıtro» gazdalǵan sýsyndary ǵana emes, sonymen qatar «M&M’S» drajesi, «Milky way» shokolady, «Dúshes» jáne «Barbarıs» kámpıtteri jáne basqa da birqatar taǵamdar qaýipti dep tanylǵany aıtylǵan.
QR DSM sanıtarıalyq-epıdemıologıalyq baqylaý komıteti tizimdegi birde-bir ónim qaýipti dep tanylmaǵanyn, sondaı-aq Qazaqstanda gazdalǵan sýsynnan qatty ýlaný jaǵdaılary tirkelmegenin habarlady.
«QR DSM sanıtarıalyq-epıdemıologıalyq baqylaý komıteti áleýmettik jelilerde taralǵan azyq-túlik ónimderi týraly aqparat feık dep tanylyp, shyndyqqa sáıkes kelmeıtinin habarlaıdy. Sondyqtan jalǵan aqparat taratpaýlaryńyzdy suraımyz, resmı aqparat kózderinen alynǵan aqparatty paıdalanýǵa shaqyramyz», – dep habarlady vedomstvodan.
Gazdalǵan sýsyn iship, ýlanǵan balalar týraly habarlama reseılik qoldanýshylar arasynda 2019 jyly taralǵan.
Keıin Qazaqstanǵa jáne basqa da elderge jetti. Ár joly habarlama teriske shyǵarylyp, «Tarhýn» sýsynynan qatty ýlaný jaǵdaılary tirkelmegeni habarlandy.