Saýda jáne ıntegrasıa mınıstrligi Tehnıkalyq retteý jáne metrologıa komıteti tóraǵasynyń 2023 jylǵy 24 qarashadaǵy № 466-nk buıryǵymen QazStandart ázirlegen QR ST 1412-2017 «Jol qozǵalysyn retteýdiń tehnıkalyq quraldary. Qoldaný qaǵıdalary» ulttyq standartyna tolyqtyrýlar jasaldy.
Ózgerister 2024 jyldyń 1 qańtarynan qoldanysqa engiziledi. Osy standart mindetti oryndaýǵa jatady. Óıtkeni ol Qazaqstan Respýblıkasy İshki ister mınıstriniń 2023 jylǵy 30 maýsymdaǵy № 534 buıryǵymen bekitilgen Jol qozǵalysy qaǵıdalarynda kórsetilgen, dep habarlaıdy Almaty-akshamy.kz
«Avtokólikterge gaz qondyrǵysyn ornatýda keıde tıisti qaýipsizdik talaptary oryndalmaı jatady. Mundaı kólikter adamdarǵa qaýipti bolýy múmkin. Osyǵan baılanysty gaz ornatylǵan avtokólikterdiń jabyq turaqtarǵa kirýine tyıym salynǵan. Dál osyndaı avtomobılderdi anyqtap, sáıkestendirý jáne mundaı tyıymdardy ákimshilendirý úshin arnaıy belgi engizildi», - deıdi Tehnıkalyq retteý jáne metrologıa komıtetiniń tóraǵasy Qýanysh Elikbaev.
Atalǵan ózgeris gaz balondy jabdyǵy bar avtomobılderge arnaıy belgini mindetti túrde ornalastyrýdy qarastyryp otyr. Bul tańbada «GAS» degen jazý men lep belgisi bar sary tústi teńbúıirli úshburysh beınelengen. Bul belgi jabyq parkıngterge kirgen kezde kólik ońaı tanylatyndaı etip ornatylýy tıis.