Tramp pen Netanáhý soǵysty toqtatý týraly kelisimge kelgen, - dep habarlaıdy Aqshamnews.kz.
Bul týraly VVS basylymy habarlaǵan.
AQSH prezıdenti Izraıl premer-mınıstrine Gaza sektoryndaǵy soǵysty toqtatý josparyna keliskeni úshin alǵys bildirip otyr.
– Bul – áleýetti órkenıet tarıhyndaǵy eń uly kúnderdiń biri. soǵys toqtatý, Búgin – álem úshin tarıhı kún, – dep tebirendi Tramp.
Eki el kóshbasshylarynyń kezdesýi bastalmas buryn Aq úı 21 negizgi tarmaqty qamtıtyn jáne Gazanyń kórshilerine qaýip tóndirmeıtin jospardy jarıalady.
Tramptyń sózinshe, josparǵa kóptegen el úlesin qosqan. Ol Eýropadaǵy odaqtastarmen birge osy usynysty ázirleýde qoldaý kórsetkeni úshin arab jáne musylman elderiniń kóshbasshylaryna alǵysyn jaýdyrdy.
Jospar sondaı-aq jergilikti polısıany oqytýdy qamtıdy, al Izraıl qorǵanys armıasy Gazadan áskerlerdi kezeń-kezeńimen shyǵarýy kerek.
AQSH prezıdenti "Taıaý Shyǵystaǵy beıbitshilikke" jetý úshin Netanáhýmen álde de biteqaınasyp jumys isteıtinin aıtqan.
Taǵy bir aıta keterligi, qos eldiń kóshbasshysynyń baspasóz máslıhaty bir saǵattan asa ýaqyt keshigip bastaldy. Oǵan basty sebep – Tramptyń ótinishi boıynsha Netanáhýdyń Qatarǵa qońyraý shalýy. Ol qyrkúıek aıynyń basynda Dohadaǵy HAMAS nysandaryna Izraıldiń zymyran soqqysy baıqaýsyzda Qatar áskerı qyzmetkeriniń ólimine ákelip soqtyrǵany úshin keshirim suraǵan.