Tegin avtobýstar jáne metro jumysyn uzartý: Almatyda ÝEFA machynan soń kólik qozǵalysy qalaı uıymdastyrylady?

Almatyda «Qaırat» (Almaty) jáne «Real Madrıd» (Madrıd) komandalary arasyndaǵy fýtbol machynyń jankúıerlerine yńǵaıly bolý úshin tegin avtobýstar júredi, - dep habarlaıdy Aqshamnews.kz.

Qala ákimdiginiń dereginshe, tegin avtobýs marshrýttary ortalyq stadıonnan mach aıaqtalǵannan keıin negizgi núktelerge deıin júredi. Barlyǵy 60 avtobýs jolǵa shyǵyp, 6 núktege deıin  qatynaıdy:

Ortalyq stadıon – «Almaty Arena» (taqtaısha – A1, júretin orny – Abaı dańǵyly batys baǵytta);

Ortalyq stadıon – Raıymbek/Alataý (taqtaısha – A2, júretin orny – Abaı dańǵyly batys baǵytta);

Ortalyq stadıon – «Almaty -1 vokzaly» t/j (taqtaısha – A3, júretin orny – soltústik baǵyttaǵy Baıtursynov kóshesi);

Ortalyq stadıon – Orbıta sh/a (taqtaısha – A4, júretin orny – ońtústik baǵyttaǵy Baıtursynov kóshesi);

Ortalyq stadıon-Juldyz sh/a (taqtaısha – A5, júretin orny – Shyǵys baǵyttaǵy Abaı dańǵyly);

Ortalyq stadıon – áýejaı (taqtaısha – A6, júretin orny – shyǵys baǵytta Abaı dańǵyly);

Sonymen qatar, qala metrosynyń jumysy túngi saǵat 01:00-ge deıin uzartylady. «Baıqońyr» jáne «M. Áýezov atyndaǵy teatr» beketterinde mach ótkizý kezinde jolaýshylardy qaýipsiz  tasymaldaý jáne sapaly qyzmet kórsetý úshin qyzmetkerler sany  kúsheıtiledi.