Memleket basshysynyń tapsyrmasy boıynsha 2025 jyldan bastap Qazaqstanda qosymsha bilim berý uıymdaryna vaýcherlik qarjylandyrý júıesi kezeń-kezeńimen engizilýde.
Biryńǵaı memlekettik tapsyrysty ornalastyrýdyń pılottyq jobasy Astana, Aqtóbe, Atyraý, Qaraǵandy, Qyzylorda jáne Shymkent qalalarynda júzege asyrylýda. Jobanyń maqsaty – oqýshylardy shyǵarmashylyq, sporttyq jáne bilim berý baǵytyndaǵy tegin úıirmeler men seksıalarmen keńinen qamtý, - dep habarlaıdy Aqshamnews.kz
«Búgingi kúni 300 myńnan astam bala qosymsha bilimge vaýcher aldy. Ata-analar óz balalary úshin úıirmeler men seksıalarǵa ózderi tańdaıdy. Qajet bolǵan jaǵdaıda olar qujattardy qaıta tapsyrmaı-aq, úıirmeni ózgerte alady. Bul rette vaýcher saqtalady», – dep atap ótti Tárbıe jáne qosymsha bilim berý departamenti basqarmasynyń basshysy Altaı Rahımberlın.
Qarjylandyrý «bir balaǵa – bir vaýcher» qaǵıdaty boıynsha beriledi. Mundaı tetik barlyq oqýshylar úshin teń múmkindik jasap, ashyqtyqty qamtamasyz etedi jáne búdjet qarajatyn maqsatsyz paıdalanýǵa jol bermeıdi.
Bul joba Mádenıet jáne aqparat, Týrızm jáne sport, Oqý-aǵartý, sondaı-aq Jasandy ıntellekt jáne sıfrlyq damý mınıstrlikterimen birlesip júzege asyrylýda.