Jańaózendegi «Qazaqgaz» óńdeý zaýytynyń dırektory ustaldy, dep habarlaıdy almaty-akshamy.kz.
Sondaı-aq aımaqta suıytylǵan gazdy satýmen aınalysatyn elektrondyq saýda alańynyń basshysy da zań aldynda jaýap beretin boldy. Elimizdiń qarjy monıtorıńi avtogaz baǵasyn negizsiz kóterý deregi boıynsha sotqa deıingi tergeýdi bastady.
Aıta ketelik, qazaq gaz óńdeý zaýyty Mańǵystaý oblysyn jáne aımaqtardyń basym bóligin suıytylǵan kólik otynymen qamtamasyz etip keledi. Kásiporyn aıyna 14,5 myń tonna ónim shyǵarady.
Esterińizge sala keteıik, Mańǵystaý oblysynda 2 qańtardan bastap avtogaz baǵasy 115-120 teńgege qymbattady. Buǵan halyq narazylyq tanytyp, 50 teńgege túsirýdi talap etken bolatyn.