QR Parlamenti Májilisiniń depýtaty Erlan Saırov eldegi áleýmettik-ekonomıkalyq jaǵdaıǵa qatysty pikir bildirdi, dep habarlaıdy almaty-akshamy.kz inform.kz silteme jasap.
«Aldymen eldegi jaǵdaı boıynsha Memleket basshysy shuǵyl málimdeme jasady. Sońǵy ýaqytta elde áleýmettik máselelerdiń bolǵany ras. Endi Prezıdent Úkimettiń aldyna naqty mindet júktep otyr. Atap aıtqanda, gaz, benzın men dızeldiń jáne halyq jıi tutynatyn taýarlardyń baǵasyn retteýdi tapsyrdy. Sondaı-aq, áleýmettik qor qurýdy júktedi. Osy sheshimder eldiń áleýmettik jaǵdaıyn belgili bir deńgeıde ustap turýǵa septigin tıgizedi. Bastysy memlekettik turaqtylyq pen tutastyǵymyzdy joǵaltyp almaý kerek. Jáne halyq talap etip otyrǵan túıindi máseleler bılikpen dıalog arqyly, beıbit jolmen sheshilýi tıis», - dedi Erlan Saırov.
Onyń aıtýynsha, halyq pen bılik bir ózara mámilege kelýi kerek.
«Jalpy áleýmettik turǵydan halyqtyń talaby oryndy. Degenmen ol talaptar zań aıasynda júzege asqany abzal. Sol sıaqty máseleni sheshýde bılik qana emes halyq ta zaıyrly bola bilgeni durys. Bastysy arandatýshylyqtan aýlaq bolaıyq. Eldegi áleýmettik máseleler Táýelsizdiktiń tutastyǵyna syzat túsirmeýi tıis. Óıtkeni, qasıetti Táýelsizdiktiń aldynda barlyǵymyz jaýaptymyz», - deıdi ol.