Úkimette QR Premer-Mınıstri Álıhan Smaıylovtyń tóraǵalyǵymen ótken keńeste gaz-hımıa ónerkásibin damytý máseleleri qaraldy, dep habarlaıdy Almaty-akshamy.kz.
Atap aıtqanda, polıetılen óndirisi boıynsha ıntegrasıalanǵan gaz-hımıa keshenin salý jobasy talqylandy. Bul másele boıynsha sońǵy ınvestısıalyq sheshim 2024 jyly qabyldanýǵa tıis.
«QazMunaıGaz» UK» AQ basqarma tóraǵasy Maǵzum Myrzaǵalıevtyń aıtýynsha, jobany tabysty iske asyrý úshin «Ulttyq ındýstrıalyq munaı-hımıa tehnoparki» AEA jumys isteý merzimin uzartý jáne jetispeı turǵan syrtqy ınfraqurylymdy salý kerek.
Talqylaý qorytyndysy boıynsha Premer-Mınıstr ýákiletti organdarǵa kóterilgen máselelerdi sheshý joldaryn pysyqtaýdy tapsyrdy. Sonymen qatar Úkimet basshysy QR zańnamasy aıasynda sheteldik lısenzıalanǵan tehnologıalardy paıdalanatyn iri munaı-gaz hımıa nysandaryn jobalaý jáne salý kezinde halyqaralyq standarttardy qoldaný múmkindigin qarastyrý qajettigi týraly aıtty.