Fılm úlken ekranǵa eki bólimde shyǵady
Warner Brothers Studios «Garrı Potter men qarǵys atqan bala» jańa franshızasyn jasaýǵa kiristi, dep habarlaıdy Almaty-akshamy.kz QazAqparatqa silteme jasap.
«Warner Bros stýdıasy «Garrı Potter men qarǵys atqan bala» kartınasyn úlken ekranǵa shyǵarý joldaryn izdep jatyr», - dep jazdy The Sun basylymy derekkózge silteme jasap.
Mundaı sheshim Vest-End teatryndaǵy (West End theatre) pesanyń tanymaldyǵyna baılanysty qabyldanǵan.
«Garrı Potter men qarǵys atqan bala» fılmin túsirý jospary bastapqy kezeńde ekeni naqtylandy. Rejıserler Denıel Redklıffti óz róline oralýǵa shaqyrýdy josparlap otyr. «Fılmmen jumys istep jatqan árbir jan Denıel Redklıffti basty róldi kórgisi kelip jatyr. Alaıda aldymen onyń bólimderin belgilep, senarıin jazý kerek jáne búdjet naqtylaý qajet», - dep jazdy The Sun.
Fılm úlken ekranǵa eki bólimde shyǵady.
Basylymnyń atap ótýinshe, Denıelmen birge Garrı Potter fılmderine túsken Germıona Greındjerdiń rólin somdaǵan Emma Ýotson akterlik mansabyn jalǵastyrsa, Ron rólimen tanymal Rýpert Grınt jyljymaıtyn múlik salasynda bızneske ketken.
Garrı Potter tanymal franshızasy álemdik prokatta 6,4 mlrd fýnt sterlıńten astam qarajat jınaǵan edi.