Sot úsh ýchaskelik polısıa ınspektoryn 3 jylǵa bas bostandyǵy shekteý týraly úkim shyǵardy
«Altyn orda» bazarynda saýdagerlerden zańsyz aqsha jınaǵan polıseıler sottaldy, dep habarlaıdy Almaty-akshamy.kz Azattyq Rýhy-na silteme jasap.
QR Sybaılas jemqorlyqqa qarsy is-qımyl agenttigi Almaty oblysy boıynsha departamentiniń basshysy Serik Orymbetovtiń aıtýynsha, ótken jyldyń sońynda polısıa qyzmetkerleriniń bazarda zańsyz qyzmetpen aınalysqany belgili bolǵan.
Olar laýazymdyq ókilettigin teris paıdalana otyryp, «Altyn orda» bazarynda jalpy qamqorlyǵy jáne qylmystyq jáne ákimshilik jaýapkershilikten alshaqtatqany úshin saýda qyzmetkerlerinen aqsha jınaýdy uıymdastyrǵan.
Osylaısha bazar aýmaǵynda áleýmettik shıelenis týǵyzǵan.
«Aıta ketý kerek, polıseılerdiń biri atys qarýyn qoldaný arqyly antıkor qyzmetkerlerine qarsylyq kórsetti. Almaty oblysy Qarasaı aýdandyq sotynyń úkimimen 3 ýchaskelik polısıa ınspektorynyń 3 jyl merzimge bas bostandyǵy shekteldi», - deıdi Serik Orymbetov.