Oqý-aǵartý mınıstri Almatyda baǵynysty uıymdardyń basshylarymen jınalys ótkizdi.
Mınıstrlikke baǵynysty uıymdardyń basshylarymen kezdesý kezinde mınıstr bilim sapasyn odan ári arttyrýǵa baǵyttalǵan negizgi mindetterdi atap kórsetti, depr habarlaıdy aqshamnews.kz sala mınıstrligine silteme jasap.
Memleket basshysynyń tapsyrmasymen Almatyda «ABAI ULTTYQ MEKTEBI» alǵashqy ulttyq mektebiniń qurylysy bastaldy. Jańa bilim berý uıymy Abaı fılosofıasyna, onyń ishinde «bes asyl is» ıdeıasyna negizdelgen. Bul mektepte qazaq tili men ádebıeti tereńdetilip oqytylady. Ol úshin qazirgi jumys jasap turǵan Abaı atyndaǵy mektep-ınternatynyń áleýeti tolyqtaı paıdalanylady.
Inklúzıalyq saıasatty bilim berýdiń barlyq deńgeıinde júzege asyrý maqsatynda Ulttyq ǵylymı-praktıkalyq úzdiksiz ınklúzıvti bilim berý ortalyǵyn qurý týraly sheshim qabyldandy. Onyń qyzmetine ádistemelik súıemeldeý, zertteýler júrgizý, bilim alýdaǵy qıyndyqtardy anyqtaý jáne aldyn alý, sondaı-aq psıhologıalyq-pedagogıkalyq súıemeldeý qyzmetterin úılestirý jatady.
Ásirese, aıta ketý kerek, mektep kitaphanalaryn modernızasıalaý, bilim alýshylardyń kitap oqýǵa qyzyǵýshylyǵyn arttyrýǵa basymdyq berilýde. Osy bastamalardyń aıasynda alǵashqy qazyǵy 1932 jyly qaǵylǵan Respýblıkalyq ǵylymı-pedagogıkalyq kitaphanany transformasıalaý júrgizilýde. Búginde onyń qorynda 400 myńnan astam kitap pen 3 myńnan astam ǵylymı pedagogıkalyq eńbek bar. Budan bólek, mektep kitaphanashylarynyń biliktiligin arttyrý kýrstary da ótkizilip turady. 2024 jyly kolejder men mektepterden 1 775 maman oqýdan ótti. Júrgizilgen jumystardyń arqasynda elimizdiń mektep kitaphanalarynyń qory 1,6 mln kórkem ádebıetpen tolyǵyp, jalpy qor sany 141 mln kitaptan asty.
Kezdesý sońynda oqý-aǵartý mınıstri Ǵanı Beısembaev bul baǵyttaǵy jumystardy jandandyrýdyń mańyzdylyǵyn jáne oǵan bilim berý júıesiniń barlyq deńgeıinde basymyq berý kerek ekenin atap ótti. Ol árbir joba úshin is-sharalar josparyn ázirleýdi jáne oǵan turaqty monıtorıńileý júrgize otyryp, tıimdi júzege asyrylýyn qamtamasyz etýdi tapsyrdy.