Memleket basshysynyń Jarlyǵymen Ǵalymjan Oljauly Pirmatov Qazaqstan Respýblıkasy Ulttyq bankiniń tóraǵasy laýazymynan bosatyldy. Bul týraly Almaty-akshamy.kz Aqordaǵa silteme jasap habarlaıdy.
Ǵalymjan Oljauly Pirmatov 1972 jyly 24 sáýirde dúnıege kelgen. Novosibir memlekettik ýnıversıtetin, Qazaqstannyń ekonomıka jáne boljaý menedjmenti ınstıtýtyn, Atkinson Graduate School of Management, Willamette University bitirgen. Ár jyldary «Altyn-Tas» BK qarjy dırektory, AIG Silk Road Capital Management kompanıasynyń ınvestısıalar jónindegi dırektory, «Halyq bank» AQ ınvestısıalyq bankıng departamentiniń dırektory, QR ekonomıka jáne búdjetti josparlaý vıse-mınıstri, «Qazatomónerkásip» UAK» AQ ekonomıka jáne qarjy jónindegi vıse-prezıdenti, «Cameco Kazakhstan» kompanıasynyń prezıdenti, QR Ulttyq banki tóraǵasynyń orynbasary qyzmetterin atqarǵan. 2017-2021 jyldary «Qazaq atom ónerkásibi UAK» AQ basqarma tóraǵasy boldy.