Jasóspirim qorshaýdan asyp ótpek bolǵanda onyń aıaǵyn temir tesip ketip, 20 santımetrlik istikke ilinip qalǵan. Almaty qalalyq balalarǵa arnalǵan jedel medısınalyq kómek ortalyǵynyń hırýrgteri balany aman alyp qaldy.
Jedel járdem brıgadasy balany shamamen keshki 21.00-ge qaraı Almaty qalalyq balalarǵa arnalǵan jedel medısınalyq kómek ortalyǵynyń shuǵyl hırýrgıa bólimine jetkizdi. Temir istik balanyń oń jambasyn jaraqattaǵan. Ata-anasynyń aıtýynsha, jasóspirim kórshi aýlanyń qorshaýynan ótpek bolǵanda, istik aıaǵyna kirip ketip, basymen tómen qaraı ilinip qalǵan.
«Qabyldaý bóliminde hırýrg, travmatolog jáne anestezıolog shuǵyl tekserip, emhanaǵa jatqyzyldy. Ota jasaý taktıkasy anyqtaldy. Hırýrgtardyń aldynja aıaqtan bógde deneni alyp tastaý ǵana emes, sonymen qatar, mańyzdy tamyrlardy zaqymdanýdan qorǵaý mindeti turdy. Olar óte muqıat áreket etip, istikti alyp shyqty. Biz mindetimizdi oryndadyq dep sanaımyz. Otadan keıingi birinshi táýlikte naýqas ózin jaqsy sezinedi. Jaǵdaıy qanaǵattanarlyq. Jaqyn arada bala óz erkimen mektepke barady dep oılaımyn», - dep atap ótti Almaty qalalyq balalarǵa arnalǵan jedel medısınalyq kómek ortalyǵynyń qabyldaý bóliminiń meńgerýshisi Meırjan Kýrmanalıev.
Ota jasaý brıgadasy: hırýrg - Baıdýllaev Nurbolat Berkınbaıuly, Nurov Adiljan Arıpjanuly, travmatolog - Tolametov Farrýh Nazarmatıvıch jáne anestezıolog - Alıahmetov Janat Mýratýly.